Nýjasta afþreyingin í boði hjá okkur er HLÁTURJÓGA  Hláturjóga er aðferð sem þróuð er af indverska lækninum Dr. Madan Kataria.  Í hláturjóga er oftast hlegið í hópi, alltaf án tilefnis, án þess að brandarar séu sagðir eða fyndnar sögur. Hláturinn er vakinn með skemmtilegum leikrænum æfingum og með því að horfast í augu verður hláturinn fljótt eðlilegur. Hláturjóga er sambland æfinga og jógaöndunar. Það byggist á þeirri vísindalegu staðreynd  að hvort sem hlegið er vegna ytra áreitis eða af innri hvötum þá bregst líkaminn eins við og jákvæð áhrif á hann verða þau sömu. Ásta Valdimarsdóttir sér um að fá mannskapinn til að hlæja, hún er með áralanga reynslu í kennslu á hláturjóga. Ásta lærði hláturjóga í Noregi 2001 og hefur haldið fyrirlestra um þessa hollu líkams- og sál-rækt allar götur síðan. Auk þess hefur hún sótt mörg hláturjóganámskeið og útskrifað hláturjógaleiðbeinendur hér á Íslandi. Að stunda hláturjóga er því hollt fyrir líkama og sál og hin besta skemmtun um leið. Hláturjóga hentar öllum og á því einstaklega vel við allar gerðir hópa. Þessi afþreying hentar vel með öllum ferðum og getur farið fram nánast hvar sem er og tekur ca. eina klukkustund.