Ferðinni er heitið í Borgarfjörðinn, nánar tiltekið í Fossatún. Þar er vel tekið á móti hópnum og er byrjað á því að fara í tröllagönguna góðu sem er gönguleið sem liðast upp Stekkjarás, meðfram bökkum Grímsár og tilbaka að veitingahúsinu Fossatúni. Tröllagangan tekur ca 60 mín og gefst gestum kostur á að skoða sögusvið tröllasagna, myndir og styttur af tröllum, fræðast nánar um þátt þeirra í þjóðsögunum kynnast örnefnum og koma áhyggjulausir tilbaka!. Rúsínan í pylsuendanum er svo tröllaleikirnir þar sem keppt er í tröllaþrautum s.s. tröllataki, tröllatogi, tröllasparki, tröllaorðum,  tröllafeti, tröllaparís o.fl. Þá er haldið aftur heim í Fossatún þar sem dýrindis kvöldverður bíður hópsins. Eftir matinn er svo komið að frábærri karokíkeppni í anda Eurovision.